我係街見到一個情景

有個師奶, 佢一家人出門口, 見到一對情侶

就寒暄兩句, 然後問:::::::你地幾時結婚呀????幾時派利是呀????

個男既話:::::『未有耐..............



無咁快先岩』

我即刻望佢女朋友係咩面口

佢好樂觀咁笑笑口

其實我唔係好明一D拍拖拍好耐既人又未進入人生既另一階段既女人係點諗

Q1:會唔會恨嫁?!

Q2: 點解會未嫁?!

Q3: 聽到呢D問題會點睇問問題果個人??

Q4: 憧景既未來係咩樣??

如果係我有一個拍左拖一段時間既男友, 佢上面果個男仔既答案

我一定FING開佢隻手, 目露兇光咁望佢

1) 佢唔諗住結婚唔緊要, D答案答得太差,

我好明白兩個人一齊最重要係開心

答一個令女方開心既答覆就有分

E.G. 『我娶佢無問題, 我驚佢唔肯嫁我咋』

『我唔想佢同我一齊之後仲要出黎崖, 所以我要肯定自己俾到幸福佢先結婚』

我覺得我呢D答案先係答案

就算佢地真係分左手, 但係個女仔都叫做開心過丫

*男人大部分都信唔過

*分手/離婚唔緊要, 因為『沒有結果的愛情, 只要開過花, 顏色就是燦爛的。』

*女人都鍾意壞男人, 因為壞男人講既野岩女人聽

另外, 我最近好想知一樣野

唔知幾時開始, 我會有一種假設

我會覺得女人年紀大左, 即過左生育年紀之後

而又未有所出既人都會後悔自己當始唔生

到底世間上有幾多個人係生左小朋友

而真心後悔自己生左

其實我知呢個世界上係乜人都有

係我有上面所提出迷思之餘

我亦有一個預設既答案係『無』

因為我相信生物天生應有既本性

******我超憎活潑既小朋友

同時又覺得一生人入面無幾可可以咁生活

我唔識同小朋友相處, 我覺得佢應該要好似大人咁

同時我好明白, 小朋友好似大人咁就唔再係小朋友

我會將佢同以前既我比

我九歲既時候邊使呀婆幫我沖涼呀

我食完晚餐再食其他野會俾人鬧到狗血淋頭(Official 既甜品唔計)

我食飯一定唔可以有飯粒剩係碗

有湯一定要飲, 而且要飲到乾乾淨淨

剩左又俾人鬧 (因為我係洗碗果個, 所以鬧人既係我)

原來我好耐無打過XANGA

其實我宜家大部分日子都好早訓

十一點半前就關燈

根本我就好少時間係屋企

我朝九晚九都唔係屋企囉

我覺得我配得成兩星期/月CON既機會好大,

因為我諗到個好理由!!!

一開始我真係覺得<<我的如意狼君>>, 呢個劇集名好難聽

比起<<老友狗狗>>果D更難聽

但係我今日又覺得好睇

好睇在於我鍾意睇黃浩然點追有錢女

其實佢變魔術俾周麗淇睇果時我已經覺得佢一定好識呃人

(應該係上星期五果集)

因為我覺得一個真係好既男仔係唔會花咁多花機去TUM女仔

係壞男人先會做D咁不返實際既野

但係女人就最鍾意呢D野

就以呢齣劇為例

以喬佢絕對係一個聰明既人, 佢呀爸先會安排工作佢做

而且佢係生意人,唔係藝術家

做每件事都必需要計算

但係遇著情場騙子, 再聰明既女人都好難走甩

佢講既對白真係好肉麻

我始終覺得聽者心底入面會有丁點兒甜蜜既感覺

雖然聰明既人到最後都會知道對方一直呃自己

但係如果個老千再出多一次手, 果個人其實好大機會會再被呃多一次

犯罪心理學既呀SIR話, 女人無論去到咩階段, 都係尋找緊愛同關係

到目前為止, 我覺得都幾岩

如果搵馬國明做呢個角色就好啦

不過我真心覺得情場騙子既樣貌唔鍾要, 最緊要轉數快同細心

我曾經聽過有人話香港先生選舉之所以唔成功

係因為女人同男人唔同, 女人單靠樣貌身材就可以贏得異性青睞

但係女性欣賞男人既角度一定唔係淨係睇樣

而香港先生選舉做法太似香港小姐

我建議香港先生選舉加插真人SHOW 環節

叫班參賽者去露營/外地旅遊

搵埋一班女仔

但係一定唔可以係有知明度既女藝人, 最好係普通市民

因為對住藝人好難有平常心

咁D女仔先可以對後選人既性格評分

我肯定我變左

我比以前更否定自己

今日有個呀叔讀我, 讀到書之類既物體

晚, 我對佢講既野有所質疑

我同呀爸講::::係咪我鬧民建聯既時候太大聲俾佢聽到,

佢宜家唔妥我,所以先明讚暗踩

姑勿論個呀叔係咪真心

係呢件事上面就已經充分反映出我對自己真係好無信心

再一次証明我真係唔太鍾意自己

所以我要同D鍾意我既人一齊多D

發掘自己多D優點

唔鍾意自己, 好難活得開心,

因為我覺得同自己相處最多既人, 就係自己

最近多過一次俾子華

如果唔搵子華, 我可以搵邊個

我心入面諗起另一個人

佢地既共通點都似係比我自己更鍾意我自己

(呢度講既鍾意唔係男女朋友果種)

*不過佢堅持話每個人都好鍾意自己

我認我會買好多野俾自己, 特別係野食同咖啡

但係, 如果單係以滿足自己代表對自己既愛

好似有少少低層次

我曾經以為我可以同一個我鍾意既人做好朋友

我一開始乜野都想同佢講

後來,  佢話佢唔想聽

果刻我真係覺得好唔開心

回想起過往幾年既經歷

原來我係朋友感情既路上係咁崎嶇.........

因為我爛面既關係, 我好耐無飲過酒

我跨下海口要買支ICE WINE 賀我自己生日暨告別FYP大日子

我會慢慢草呢筆慶祝費

又或者我有份工, 可以鬆動D~

雖然我係唔鍾意化妝

但係我想自己鍾意化妝

我視化妝為一個希望

希望我會鍾意化妝後既自己

自從我知到卓韻芝由討厭化妝, 變到對化妝狂熱

我就已經好想好似佢咁.....哈哈哈, 包括黐D好誇張既假眼睫毛

今日真係好開心

一黎見到D好耐無見既朋友

二黎, 我覺得我原來唔係黑心

我只係唔夠好心

咁諗我覺得我會舒服D

或者我到宜家都仲係好黑心

但係我總會成為一個好心地既人

我呀哥話:::::女仔心地唔好會無人要........

今日行緊去目的地既時候, 我好努力咁諗

我既夢想係D咩

我諗左好耐都係諗唔到

但係我曾經戲言咁講左句::::如果一個唔覺意, 俾我做到懲教署署長咁我咪第一個女懲教署署長~~~

我睇過一篇文, 唔記得作者係邊個

有位叔伯問D後輩既夢想係咩

後生仔話:::我要讀大學

果位作者覺得呢D唔係叫夢想

夢想應該係天馬行空, 介乎做到同做唔到之間

太易做到既唔係叫夢想, 而係理想

或者做女懲教署署長就係我夢想

當我講完果句之後, 就即刻補充多一句:::::不過一定好難啦

但係又唔係無可以, 葉劉淑儀就係一個好既榜樣

其實我一直覺得我做到懲教署就已經夠

但係尋日見完我既PROF. 佢好似好睇唔起一D咁既滿足既人

一開始我都會諗, 做到政府工就已經好好啦

但係我宜家又覺得, 佢既諗法都唔係錯

人要有目標先會進步

如果去到一個地部就滿足咁, 最後就會無得進步

不過知足常樂

珍惜擁有既野都好重要, 因為得唔到一D野面唔開心都幾無謂